2024-06-09 WIC 第二站 法國 Rennes
110 110 people viewed this event.
經過一星期休息,Doon Sir 來到法國雷恩,準備迎接第二站嘅比賽。
與其話係WIC比賽,呢個週末更加似係一個大型嘅滾軸溜冰嘉年華,活動豐富,適合各個年齡層參加。有兒童組別嘅比賽、彩繪頭盔、滑板車表演,以及平花比賽等等。嘉年華入面仲有新產品展示區,提供最新嘅滾軸溜冰設備俾大家試用,讓人了解行業內嘅技術新趨勢。
然而,即使喺咁熱鬧嘅環境下,對於Doon Sir 來講,呢場比賽卻係一場硬仗,因為佢腳傷似乎並未完全康復,比賽前一天已經開始再次疼痛,每行一步都感覺到刺痛。開賽之後,Doon Sir 嘗試保持喺主車群,但隨著比賽進行,腳傷加劇,令速度大受影響。比賽途中,佢一度考慮過退賽,但決心完成嘅佢選擇咬牙撐住,最終以1小時14分完成咗比賽。呢個時間其實唔算失禮,但今仗高手臨立,最終雖然排名較後,但至少成功完賽。賽後,物理治療師檢查時建議佢好好休息,可能要比預期多啲時間康復。
希望Doon Sir能夠盡快康復,迎接下一站嘅挑戰。