2024-08-10 WIC 第三站 中國 哈爾濱
114 114 people viewed this event.
闊別兩個月之後,Doon Sir 再次獨自出戰 WIC,迎接哈爾濱站嘅賽事。
哈爾濱呢站比賽對 Doon Sir 黎講又係一場硬仗。起初天氣非常理想,佢特登揀咗套乾地快轆,諗住搏一搏。而比賽開始至中段,天氣一直保持乾爽,Doon Sir 能夠充分發揮佢嘅速度優勢,穩守喺前列位置,對自己嘅表現十分有信心。
然而,正當一切看似順利嘅時候,就開始風雲變色,局勢瞬間逆轉!佢果套「遇水即死」嘅轆喺濕滑嘅路面完全推唔到,每推一步都係挑戰,只能無奈睇住對手越走越遠而無力追趕。
面對呢種情況,Doon Sir 只能拼盡全力完成比賽,最終以第30名完成。雖然結果不如預期,但因為哈爾濱站屬於Top Class賽事,所以佢都成功攞到分,加埋已完成三站賽事,佢總算「榜上有名」!