2024-08-17 WIC 第四站 瑞士 BERN
115 115 people viewed this event.
經過哈爾濱站,Doon Sir 回港稍作休息,為第四站瑞士伯恩做好準備。今次佢決定帶住大隊出戰,包括佢在內,一共有十位成員一齊參加。
呢場比賽真係可以話係一次「山賽」!賽道上有條超級大斜坡同埋一條大落斜,試路時發現斜度有15%,真係好誇張。不過,大隊都冇被嚇到,依然堅持要挑戰。
而比賽前,天氣預測話會有雷雨,加埋賽道難度,大會決定將路程由42公里減到21公里。即便如此,呢段上上下落嘅路依然非常考究,尤其是上斜嗰段,唔好話踩,連行上去都好費勁,但所有人都咬緊牙根,盡力應對。
雖然最終有一半成員未能完賽,但全隊都從中獲得咗寶貴嘅經驗。Doon Sir 相信今次唔得唔代表下次會失敗,反而激勵佢哋喺未來嘅比賽中再進步,準備好迎接德國柏林挑戰!
伯恩呢站亦係佢哋瑞士之旅嘅開始,詳情可以係【呢度】睇佢哋嘅瑞士500k之旅!