2024-10-06 粵港澳大灣區輪滑嘉年華 x 卓嘉私房賽
150 150 people viewed this event.
承蒙廣東省輪滑運動協會嘅邀請,啱啱過去呢個周日,我哋有超過35位參加者去咗珠海,參加粵港澳大灣區輪滑嘉年華。
今次活動中嘅「迷你公路馬拉松」全程10公里,由平沙新城中心公園出發,沿住湖景賽道踩。賽道設計平坦,加上沿途優美嘅嘅景色,絕對係適合一家大細參加嘅活動。好多家長都係第一次喺公路上踩,享受呢種戶外運動帶嚟嘅樂趣。
為咗增加活動嘅趣味性,我哋仲利用今次機會搞咗場「卓嘉私房賽」,等平時少有出賽嘅同學仔都可以感受一下比賽嘅氣氛,而家長們亦可以同小朋友一齊同場交流。結果大家都玩得非常開心,享受咗一個愉快又充實嘅上午!