2025-09-20 柏林馬拉松 2025
8 8 people viewed this event.
【柏林報捷】
Doon Sir今年再度帶領我哋七人小隊征戰柏林馬拉松，全隊都係經驗豐富嘅「滾友」，各自都下定決心要衝擊個人最佳成績
事前大家已經詳細討論咗各自策略，雖然每個人目標唔同，但齊心希望可以突破自己。
事前大家已經詳細討論咗各自策略，雖然每個人目標唔同，但齊心希望可以突破自己。比賽當日陽光普照，天氣理想，真係最啱出戰長途。集合去起點前，大家都充滿期待，希望將平時操練成果發揮到盡。
近幾年Pink Team 參加嘅賽事足跡遍及唔同地方，而今次返柏林，明顯感受到大家對體力分配、賽事節奏掌握都愈來愈成熟，開始揾到最適合自己嘅方法。而沿途觀眾不停打氣，現場氣氛高漲，加上參賽人數眾多，大家又水平相約，不斷互相攻擊防守，絕對係令人難忘嘅馬拉松回憶。
最終七人全部順利完賽，無人出現狀況，大家都跑到自己心目中想要嘅結局
Doon Sir同其中一位隊友更成功殺入組別前三，攞到第二同第三，雖然距離冠軍只差一步，但今次進步真係值得高興
多謝每一位嘅支持同努力，柏林又見證咗我哋不斷進步同突破！
