2025-11-13 臺灣國際競速滾軸溜冰公開賽
48 48 people viewed this event.
【衝出國際．滾軸溜冰賽事捷報🎉】
今次「臺灣國際競速滾軸溜冰公開賽」，派出四位運動員，代表 Doon Sir 母會 Birmingham Wheels， 挑戰全亞洲最高水平賽事，同來自台灣、韓國、日本、印度等地嘅國家隊代表較量！我哋嘅運動員一啲都唔失禮，表現專業拚搏，得到無數教練嘅贊賞！
雖然比賽前夕遇上颱風，無機會落場試場試裝備，但隊員完全無鬆懈，全程認真備戰，專注熱身、反覆模擬路線、調整狀態，一心只有一個目標——喺逆境中創造最佳表現！
我哋主項是短途賽，運動員發揮超水準！方天衡在200米個人計時賽中跑出驚人表現。名列第15，刷新個人最佳紀錄！全隊三名運動員更在90名選手中全數殺入前50%，實力有目共睹！接棒出戰嘅梁俊麒，在96人參加的500米賽事中表現凌厲，一舉拿下第17名，我哋為你驕傲！
壓軸接力賽，卓嘉四子咬實牙關，憑住不放棄嘅毅力堅持到底，最終擊退強敵，奪得第4名！雖然同頒獎台只差一步，但佢哋嘅鬥志同堅持，已經贏盡所有人嘅尊重同感動！
今次比賽，我哋唔只係為獎項而戰，更係為信念而戰——無論環境有幾困難，對手有幾強，我哋都堅持到底，展現香港運動員嘅韌性同實力。
「未到終點，唔代表結束；每一次跌倒，都係再起身嘅力量。」
下一次，我哋繼續突破界限，衝向更高目標！ ✊
